低碳知多啲 | V'air 低碳本地遊

但係隨住科技進步，人類就不斷喺日常生活中製造二氧化碳同其他溫室氣體；另一方面不斷砍伐吸收二氧化碳嘅樹木，令溫室效應失衡，導致
氣候急劇變遷。

二氧化碳係溫室氣體嘅一種，佢地嘅作用就好似一張被咁，保持住太陽部份熱力喺地球表面，保持地球溫度。

香港人平均每年嘅碳排放為5.4噸。

如果世界上所有人都好似香港人咁生活嘅話，足足要3.9個地球嘅資源先可以支持到人類嘅活動。

但係，5.4噸只係官方數字；
如果我地計埋搭飛機，同埋其他海外活動嘅碳排放，平均每個香港人嘅碳足跡係
7.5噸。

坐一程來回日本嘅飛機嘅碳排放係0.5噸。
坐一程來回紐約嘅飛機嘅碳排放係5.2噸。

如果大家繼續無限消費資源，
污染地球，倒頭來承受後果嘅，
係我地同下一代。

香港算係比較幸運，有錢去解決問題；但對好多地方嚟講，氣候變遷嘅後果已經逼在眉捷。

當科學家努力研究可再生能源、環保科技嘅
時候，其實我地都可以身體力行，
為地球出一分綿力。

如果我地每人每年坐少一次飛機，香港嘅碳排放就可以每年減少700萬噸。

下次搶平機票之前，停一停，諗一諗；其實香港都好多好靚嘅地方值得大家去探索，唔係下下要走咁遠架！