聖誕快樂!

合家歡路線推介

聖誕快樂!
最後更新日期
23/12/2017
8/3/2024
分類
專題報導

聖誕快樂!

今個聖誕假撞正周末,相信好多朋友都趁長假期飛咗去旅行;不過香港天氣咁好,又有咁多地方去,其實留喺香港去旅行嘅好玩程度一啲都比外遊唔輸蝕,仲環保好多添!以下小編就推介幾條合家歡路線,成班friend去又得,情侶去又得,一家人去又得;邊個話低碳本地遊就一定係行啲好chur嘅山?

01 魔鬼山

https://www.vairhk.com/places/devilspeak

聖誕節去魔鬼山?!放心,魔鬼山係個名嚟啫,呢度嘅「魔鬼」並唔係指真正嘅魔鬼,而係舊時附近居民對聚居山上海盜嘅戲稱。呢度有豐富呡殖民時期歷史,上到山又可以飽覽270度維港景色;而最重要嘅係夠近市區,距離油塘站只係45分鐘路程!平安夜同聖誕節約自己喜歡嘅人上山,探索古蹟、睇完個維港日落再落山直落晚餐,真係夠哂浪漫!

02 鹽田梓

https://www.vairhk.com/places/yimtintsai 

聖誕節成街都係人,有啲朋友就會選擇避一吓世。不過,避世就唔一定係留喺屋企嘅,香港有成263個島嶼,揀一個嚟過一日都係好好嘅選擇!身於鹽田梓絕對係上佳選擇,島內小徑好好行,沿途有鹽田、文化館、玉帶橋影相位,可以一次過滿足哂幾個願望!而最重要嘅係島上地標天主堂,呢個堂係1850年代外國傳教士嚟到香港嘅重要標誌,想了解聖誕背後意義嘅朋友,鹽田梓絕對係首選!

03 嘉道理農場

https://www.vairhk.com/places/kadoorie-farm 

小編細個嘅時候,屋企人總會帶自己去唔同地方,而每一次都係一個學習機會。想過一個合家歡假期,共享天輪樂之餘又學到嘢嘅話,不妨考慮吓嘉道理農場。農場同大自然融為一體,又有好多展板介紹動植物以及香港農業歷史。今個假期入去嘉道理農場,同入面嘅小動物一齊歡渡聖誕,一定夠哂難忘!

04 PMQ 元創方

https://m.facebook.com/story.php?story_fbid=1950524825209117&id=1639468649648071 

想影靚靚燈飾,又想過一個環保聖誕?PMQ元創方正舉行「Jungle All The Way」展覽,利用大量物料升級再造出大型聖誕樹藝術裝置,帶出環保分享嘅意義。同場仲有好多本地設計師擺攤位,今個假期,就去支持吓本地創作啦!

不過去邊都好,最緊要注要安全,並且謹守#山野無痕 嘅原則,帶走自己嘅垃圾,做一個環保旅人。