CL 2
嘉頓山坐落係深水埗，原名喃嘸山，傳說喃嘸山呢個名同李鄭屋漢墓有關。雖然唔知真假，但係以前嘅嘉頓山山頂曾經有飛機訊號燈塔，為啟德機場引信㗎！直到1998年後，訊號塔先至隨住啟德機場關閉拆走。依家嘅嘉頓山成為咗深水埗居民嘅晨運必經之路，黃昏前後仲有大批嘅遊人上黎影靚相㗎!
上嘉頓山只要黎到美荷樓，沿晨運徑樓梯上約10分鐘就黎到嘉頓山山頂。由嘉頓山望過去，欽洲街就係正面前，由左至右可以見到深水埗同埋石硤尾區既唐樓，遠眺仲可以見到獅子山同昂船洲大橋㖭！而且唔少電影都會黎到嘉頓山拍遠景，鐘意攝影嘅朋友，不妨上黎練習練習。入夜後，舊城區嘅優美逐漸散發出黎。萬家燈火，猶如不夜城嘅香港係舊城區更顯老香港風味。唔理係夜𥚃談心定係一個人靜思，都不失為一個好地方，特別係舊區重建前，將陪伴香港人半世紀嘅舊樓記係心底。
CL 3
大家都知道深水埗係舊城區，歷史建築梗係唔少得啦！現為薩凡納藝術設計大學嘅物質及非物質文化遺產，北九龍裁判法院、一級歷史建築石硤尾徙置區美荷樓仲有逾半個世紀嘅嘉頓中心，都非常值得大家探索！有時間黎到深水埗，不妨睇多一點點，感受舊城風味！
CL 4