值得留意嘅係玉桂山都有分真與假～所謂真的假不了，假的真不了，真版同A貨玉桂山雖然唔可以互相取代，不過各有千秋。要睇連島沙洲壯觀地貌，就要翻過鴨脷洲南面嘅玉桂山，趁潮退就會睇到鴨脷洲同鴨脷排之前嘅一條沙洲蒲頭！睇過嘅人話有種摩西過紅海嘅氣勢添。
真玉桂山上視野廣闊，港島西景色盡收眼底－俯瞰黃竹坑、海洋公園、太平山等，亦可以遙望山下東博寮海峽對面嘅南丫島。如果天氣好，長洲、石鼓洲都睇到，城市、郊野一覽無遺。雖然真玉桂山唔算高，得196米，但因上山路段崎嶇，登山有一定難度。甚至有別名『小尖山』，拍得住蚺蛇尖、釣魚翁等。不過，好彩路旁有穩固繩索俾山友扶住上，所以總算安全，適合較年長同愛挑戰嘅小孩(六歲以上)。期間，家長切記在旁看顧孩子，確保安全。去之前記得查清楚潮汐漲退時間，以免白行一趟。www.hko.gov.hk/tide/predtide_uc.htm
至於假玉桂山比較矮同易行，而且上面有南觀景台，睇到南丫島一帶景色，都幾受歡迎。
