CL 2
大家可以選擇麥理浩徑一段同覆蓋部分二段或者坐公共交通工具沿路經過萬宜水庫西壩，就會到達萬宜水庫東壩，亦啫係萬宜國家級地質公園嘅主要部分。如果有時間亦可以沿木橋落去行下。
一踏入地質公園範圍，會見到一個巨型錨形石，用黎紀念興建水庫犧牲嘅工程人員，紀念碑旁邊有一條樓梯上花山山腰，回望可見東壩全景，最適合影返張大合照！循右邊大石坡接花山山徑經過花山，分叉路口往左，再一直沿路同絲帶指示行，可以見到撿豬灣因石灘背面凹陷所形成嘅香港之心，有小俓可以向下行至撿豬灣嘅石春灘，有形狀特別嘅淄碇石，唯路線相對崎嶇，最好依個人情況考量。撿豬灣往左仰望會見到斧劈崖，因流紋岩嘅岩壁似斧頭劈出而有依個名。
再向前繼績行，走到近崖邊，就可以見到有個人造十字水泥建築，近望欣賞垂直整齊排列嘅六角柱岩石，破邊洲！破邊洲原本係糧船灣花山伸延入海，三面環海嘅海灣，即係海岬。因為長年嘅海浪侵蝕形成海蝕洞，再加上頂部倒塌而變成同花山分離嘅天然海蝕柱群－破邊洲，佢嘅岩柱最長超過 40 米，而下面嘅近海嘅岩柱亦因重量而墜下，最後俾海水沖走。破邊洲嘅岸邊有三個水池，名為貴妃池，個名係源自同北京華清池嘅形狀相似而得名。之後亦可以走到防波堤，近距離欣賞六角柱石同海蝕洞。身受海風，耳聽浪聲，眼看岩壁，感歎自然偉大之時，幾多嘅煩惱都會隨風而散，幾大嘅心結都會因風吹而鬆解，冇啲乜嘢係大自然做唔到嘅。你所需要做嘅，就係向大地母親訴說難處，任何嘅困難都會逢刃而解。
CL 3
香港旅遊發展局有提供西貢地質公園遊，有需要可進行參閱。
http://www.discoverhongkong.com/tc/see-do/tours-walks/guided-tours/nature/sai-kung-geopark.jsp#tour1
漁農自然護理署轄下嘅火山探知館亦有地質導賞團，詳細可以參閱以下網址查詢預約。
http://www.hkr2g.net/b5_geotours.htm
CL 4