CL 2
大埔滘自然護理區鄰近大埔滘村，自然護理區內樹林茂密，唔怕暴曬之餘仲有有豐富嘅生態環境等住你，好似大型蝴蝶、珍貴嘅穿山甲等動物，本土植物方面有楓香樹，只要搓佢塊葉就會有香味散發，係一個未受環境破壞嘅好地方，連自然學家都慕名而來㗎！
經松仔園公園行入去自然護理區，會見到有一條長一公里嘅教育徑同埋四條難度、長短不一嘅山徑路線可以行。教育徑沿路亦有唔同嘅解說牌同導賞介紹，大概一個鐘頭就可以完成。而另外四條行山徑分別係紅徑、藍徑、棕徑同黃徑，由短至長排列，依次序為3公里、4公里、7公里同埋10公里，可以依自己嘅體力需要同時間選擇唔同路線，短程路線相對平緩，適合親子遊覧，唔理揀邊一條，都有非常新鮮嘅空氣同優美嘅樹林生態觀賞，亦有溪澗可以坐低納涼休息，不過安全起見，唔建議落溪澗嬉戲。部分路線會有重疊可以切換路線，當中難度最高嘅黃徑，有機會可以眺望吐露港海景，更添一些海洋氣息。而所有路線嘅終點都會返到原起點，所以唔洗擔心會盪失路。
行完護理區之後，不妨去埋附近嘅野外研集園，由大埔滘自然護理區入口行去只需要20分鐘，園內有介紹各種生物同植物知識嘅解說牌，據聞依到亦係雀鳥同觀蝶出沒之地，會有唔少龍友聚集，算係適合留步觀鳥觀蝶嘅好地方。
CL 3
大埔滘自然護理區真係好適合一家大細、朋友一齊郊遊，不過要注意區內不設燒烤同露營場地，而且嚴禁生火，如果想入夜觀賞螢火蟲，最好做足準備同埋避免用白光直射昆蟲，破壞原有棲息環境，生態保護人人有責。
CL 4