至於群村，其實係邊幾條村？原來總共有五條村分佈喺土地灣同爛泥灣之間，由北至南排列，分別係爛泥灣村、東丫村、東丫背村、銀坑村同土地灣村。不過唔講唔知，原來背後有段故。大家可以選擇行村徑，或者喺村落外圍行。
相信大家一定聽過萬宜水庫，呢個位於西貢官門水道，香港儲水量最高嘅水庫。但原來1971年萬宜水庫動工後，好多村落被淹沒，隨後得到賠償遷村。爛泥灣村都係其中之一，村民被遷往西貢墟，仲起左萬宜灣鄉立學校、祠堂、廟宇等。
十幾年前香港電台電視部曾經派攝製隊潛入萬宜水庫拍攝，影返當年浸左嘅破爛村屋。原來香港都好似為人津津樂道嘅古埃及千年沉沒古城亞特蘭蒂斯咁，有唔少歷史埋藏喺水底，慢慢被遺忘。