大澳，位於香港新界大嶼山西部，是香港歷史最為悠久的一條漁村，亦是香港唯一一個有水上棚屋的地方。宋朝時期，大澳的鹽業開始發展。而在國共內戰後，1950年代，不少內陸的中國人遷到香港，其中蜑家人，即「水上人」，就移居到大澳。蜑家人以捕魚為生，經常出海，久而久之，大澳的漁業逐漸發展起來。
大澳 港式維也納
吉澳鴨洲是位於沙頭角以西的兩座小島，兩島之間大概需要10分鐘的船程，所以人們通常都會在一日內遊覽兩個小島。由馬料水碼頭乘搭街渡前往，大概需要兩小時，途經赤門海硤，可以在一睹鬼手岩和紅石門，這兩個大自然的鬼斧神工。不得不讚的是船上的導賞員，在兩小時的船程裏，他無間斷地給我們介紹途經的風景以及一些地理小知識，彷如用90元參加了一個本地旅行團的感覺。
吉澳鴨洲
上回提到圓洲角公園的歷史，本次就介紹座落圓洲角山腳下的一座二級歷史建築——王屋村古屋。王屋村古屋又名王屋，王屋的歷史據源自清代乾隆間（1736-1795）一對廣東興寧縣的王氏夫婦，也就是王屋村。十九世紀，圓洲角作為廣東南下九龍的交通樞紐，令王屋村的產業發展蓬勃，如金器製造業、旅館業及養豬業等。直至十九世紀末才因沙田新市鎮發展填海而逐漸式微。現時的王屋是由王氏第19代族人王清和約於1911年所興建，具嶺南古屋特色。除了王屋，圓洲角及沙田圍在過去曾有不少古老建築，但在城市化下已拆卸，只剩餘現在的王屋。
王屋
香港的市區不乏歷史名勝，不過很多時候都是「得個睇字」，只可遠觀。但是，如果可以住在法定古蹟入面又會是個怎樣的感覺呢？這個問題，詢問一下香港大學大學堂的宿生就最適合不過了。大學堂是港大四間傳統舍堂之一，建築外部揉合都鐸及新哥德式風格，於1995年被評定為法定古蹟。
大學堂
大家若果是陳奕迅的歌迷，相信都有機會聽過他在2010年發行的《Taste of Atmosphere》專輯，當中的封面更是在大東山拍攝。專輯推出後，更令本來甚少遊人的大東山聲名大噪，吸引了很多遊客到訪。 可是，伴隨遊客而來的是大量垃圾和環境破壞。近年我們都聽過不少新聞報導遊人的自私行為，例如站在爛頭營石屋的屋頂打卡，又或者是帶同迷你煙花到山上拍照。此外，更有行山隊自發到大東山拾垃圾，所收集到的垃圾載滿數十個垃圾袋。的確，我們有權利享受大自然的風光，可是我們並不是要消費大自然，這種自私的行為實在不要得！
大東山
香港華山（原稱大嶺）位於上水，坐落於新界北與深圳之間，整條路段約6公里，全程都是鋪砌好的石屎路，途中經過長甫頭，杉山，華山，犀牛望月，馬頭嶺，松山等，由上水一直伸至坪洋，因此亦有港版萬里長城之稱，路程景色大至開揚，不失為一個半日遊的好路線。
上水華山
圓洲角，在十九世紀的沙田海上是來往九龍與廣東等地的一個重要交通樞紐，經過徒置區時期丶沙田新市鎮發展後，孤洲地形消失，延伸一角也不復存在。圓州角的歷史任務逐漸隱退，變成現時我們所見的圓洲角公園。
圓洲角公園
九龍水塘位於金山郊野公園，雖然水塘名稱有九龍兩個字，但係九龍水塘並唔係位於九龍，而係屬於沙田區。九龍水塘群由九龍水塘、九龍副水塘、九龍接收水塘同石梨貝水塘組成，由於水塘並唔係好大，所以好容易行完呢幾個水塘！如果大家嘅體能好好，不妨從城門水塘起步，沿麥理浩徑6段行到去大埔道，更加可以觀賞到二戰時期醉酒灣防線嘅遺跡添！
九龍水塘
「叮叮」清脆的叮鈴聲為這道本已熱鬧非凡的道路再添上一份活力。電車緩緩駛進這條人煙稠密的街道，正在行逛的人們一聽到電車轉入街時輪子跟軌道的摩擦聲，便自動退開一旁，此時街道變得更車水馬龍。這裡就是平凡卻又很熱鬧的春秧街。
春秧街
中環作為主要商業區，每個路過嘅上班族，畀人嘅感覺都係精神繃緊，步履匆匆。講起蘇豪區，相信大家嘅第一印象就係飲酒、蘭桂坊，但大家又知唔知，原來喺呢啲大街小巷之中，仍然隱藏住唔少嘅歷史同文化痕跡呢？今次筆者帶大家一齊做文青，認識香港歷史嘅同時，揾埋中環各街壁畫打咭。
中環
東龍島分新、舊碼頭，新碼頭會比較近營地，但係只可以喺西灣河上船，價錢亦會畀油塘貴$10，不過可以縮短由舊碼頭到營地所需要嘅20分鐘到30分鐘嘅路程。
東龍島
大潭水塘位於香港島嘅南區，由於當時屋住喺香港島嘅居民日漸增加，為咗應付持續增長嘅 食水需求，港英政府喺1883至1917年之間建造咗大潭水塘。雖然宜家香港主要靠東江水作為主要嘅食水來源，令到香港水塘嘅重要性大大降低。不過，大潭塘宜家已經成為咗一個親親大自然嘅好去處。唔單止咁，正正因為大潭水塘歷史悠久，所以沿途都可以見到好多戰前文物㗎，更加有22項建築喺2009年被列為法定古蹟添！即刻帶大家睇下啦！
大潭水塘
唔知大家對東涌嘅印象係咩？係一個新市鎮？有個好大嘅outlet血拼名牌嘅地方？又抑或會比行李篋轆親嘅地方？定係有好多公共屋邨？相信呢啲都係普遍人對東涌嘅睇法，不過又有幾多人知道，東涌其實都充滿文化特色㗎？唔單止有懷舊漁村，仲有歷史悠久嘅炮台同侯王古廟，係咪估唔到呢？東涌除左有高樓大廈之外，仲有好靚嘅泥灘，孕育住唔少動植物㗎！ 東涌位於大嶼山嘅北面，雖然係香港近期發展的新市鎮，不過都有唔少古蹟同遊玩嘅地方，今次就等小編帶大家行下東涌，發掘下鮮為人知嘅一面啦！
東涌
講起深水埗，大家會諗起咩地方？西九龍中心、 黃金商場定係鴨寮街？今日就同大家介紹一個係深水埗，充滿文化歷史氣息既地方-美荷樓。
美荷樓
將軍澳係住宅區？都係得啲以私人樓宇為主嘅市鎮？將軍澳無山行？咁就錯啦！寶琳嘅小夏威夷徑就係一條同市區極相近嘅行山小徑，沿途仲可以睇到瀑布添！全程只需一個多小時，以平路為主，石級唔多，小朋友都可以輕鬆行晒全條山路，非常適合親子假日遊。
小夏威夷徑
維港景色是世界知名的，除了山頂以外，還有沒有別的地方可以欣賞維景的景色？登上位於油塘和調景嶺之間的魔鬼山山頂，就能從另一角度去觀賞維港景色。這座被稱為炮台山的小山高222米。沿途都是水泥徑，就算是行山的初哥都能應付自如。由油塘出發，沿着將軍澳華人永遠墳場的馬路上斜，在中途留意左邊，會發現有一條樓梯接上衞奕信徑，再走一段路便會到達目的地，全程大概45分鐘。沿途的指示牌都非常清晰，不用擔心找不到路。
魔鬼山
饒宗頤文化館的前身是荔枝角醫院，是香港特區政府發展局「活化歷史建築伙伴計劃」的首批活化項目，由香港中華文化促進中心以「香港文化傳承」為主題，展開保育、重新規劃及活化的工作。在發展局及各界友好支持下，這歷史建築群得以活化，改建為文化設施，肩負起傳承中華文化、促進文化交流、貢獻社會的使命。
饒宗頤文化館
黃泥涌水塘喺1899年建成，至今有118年歴史。因為儲水量低，市政局喺1986年將佢改建成香港首個划艇公園。公園裏面嘅水壩同水掣房都係香港法定古蹟。水塘有個叔叔看守，大家可以同佢傾計了解水塘嘅故事。黃泥涌水塘位於香港島嘅中心，交通四通八達，極具戰略價值。上世紀三十年代，港英政府意識到日軍對香港虎視眈眈，因此喺附近興建左大規模嘅防禦設施，包括炮兵陣地、榴彈炮炮台同多座機槍堡等。隨住大型水塘如船灣淡水湖同萬宜水塘相繼落成，再加上有東江水，黃泥涌水塘喺1986年關閉，改為香港首個划艇公園。呢度堪稱「名人樂園」，據聞周潤發、梁朝偉、任賢齊都係水塘常客。
黃泥涌水塘
於志蓮淨苑向南，南蓮園池是九龍鑽石山的唐式園林。公園由2006年開放至今，每天吸引百計市民和遊客入內參觀、休憩。
南蓮園池
一講到歐洲風情嘅小鎮，你會諗到香港邊個地方呢？無錯！今次要同大家介紹嘅就係赤柱喇！赤柱以前係英國軍事嘅佔據點，歷史都幾悠久。到1970年初，赤柱就漸漸多咗各式各樣嘅商店同埋攤檔，依家喺靠近海岸嘅區域仲有好多露天食肆，就連建築群都充滿歐式風味。想悠閒咁放鬆下，好chill咁消磨一日，又唔想要搭飛機先感受到歐洲風情，赤柱絕對係一個好選擇！
.jpg)
赤柱
山頂公園位於香港島太平山的柯士甸山道，該處為真正的太平山山頂之位置，西望薄扶林水塘、大嶼山及南丫風采發電站。風景向西北望藍巴勒海峽，向東北望山頂無線電站。山頂公園於1950年代啟用，由康樂及文化事務署管理，於2011年進行翻新，改以英國19世紀維多利亞時代為主題。
山頂公園
九龍寨城公園以清初江南園林為設計模式，興建工程於1994年5月動工，由一群來自中國的資深技工負責，以確保傳統的設計和構思能再次在公園中展現，是TVB古裝劇的取景勝地~ 興建工程於1995年8月竣工，並在1995年12月22日由香港總督彭定康先生主持開幕儀式。整個公園佔地31000平方米，共分為8個不同景區，各有特色，但融為一體。公園耗資$76000000興建，由康樂及文化事務署負責管理。
九龍寨城公園
根據廟內鑄於清雍正八年（即一七三○年）的古鐘推算，九龍城侯王古廟大概建於一七三○年或以前，以供奉楊侯大王。
侯王古廟
秋高氣爽去親親大自然就最適合不過，平時好少行山或者怕辛苦既朋友可以考慮下去鹽田梓小島兜個圈。鹽田梓島仔細細，斜路唔多，上到高處涼亭仲可以飽覽附近島嶼既景色。比起長洲南丫島呢啲熱門離島，假日呢度都唔會好多人，舒服得多。由西貢搭街渡入去，都只不過十五分鐘，轉眼間就可以遠離煩囂。
鹽田梓
本身小編我打算去行「香港三尖」之一嘅屯門青山。點知「一入寺門深似海」，喺青山禪院影下相都冇左成個上午。呢條路線特別推介比中意藝術﹑歷史﹑建築﹑文學and扮文青嘅你。以前小編我睇中史書，成日諗，究竟杯渡禪師隻大木杯係咪就係《愛麗斯夢遊仙境》隻「瘋帽子旋轉杯」？青山禪院創建於1500年前嘅東晉末年。原名「杯渡寺」，係香港三大古寺之一，仲係香港佛教發源地。相傳，南北朝時，杯渡禪師鍾意坐住隻大木杯雲遊四海。佢途經青山， 住左喺呢度嘅岩洞入面。
青山禪院
今日咁好天不如去下海邊?三家村喺香港食海鮮地方，當然就有個勁靚嘅海景啦。而且夠晒方便，同市區幾相近，由油塘地鐵站出發，行十五分鐘就會嚟到一個寫意嘅海灣。假日不妨拋低忙碌嘅生活節奏，嚟三家村感受到閒適嘅漁民生活。鯉魚門位於觀塘區東南面，已經超過150年嘅歷史，過去係一條小魚村。三家村點解會叫三家村？原來係因為由三家人成村，而鯉魚門只是三家村鄰旁進入維多利亞港海道嘅名稱，但香港人一般習慣稱三家村做鯉魚門。三家村唔單止喺一個食海鮮嘅好地方，更加係一條與市區相通嘅時光隧道，短短路程已經可以通往藍天白雲嘅風景。
鯉魚門三家村
一般人到山頂遠足都會選擇行盧吉道，俯瞰雲海同香港島全景。呢條有名嘅行山徑假期更經常擠滿行人。今次，V'air團隊親身嘗試另一條路線－中區自然徑，唔單止輕鬆易走，適合一家共享天倫樂，而且沿途都有唔小隱世靚風景同埋古蹟，驚喜重重。V'air真誠推介俾各位，週末來有新鮮感嘅山頂之旅。
山頂白加道
薄扶林村出現於17世紀，係香港島歷史最悠久鄉村之一。唔講你未必知道，薄扶林村中秋節晚都會舉行舞火龍活動，好似大坑咁。路線由村口，舞到伯公塔和李靈仙姐塔進行拜祭，最後到瀑布灣（華富邨附近）。大家不妨參考火龍嘅路線行薄扶林村，幾乎可以睇曬呢條村嘅歷史建築，例如1916年為了紀念降魔伏妖嘅李靈仙姐而起嘅「李靈仙姐塔」等。世界文物建築基金會2014年嘅監察名單入面，薄扶林村係唯一入選嘅中國文化遺產，意思即係村落正受社會經濟因素變遷威脅。城市發展經常凌駕歷史價值，尤其係香港。所以，身為香港人點都應該去薄扶林村睇下！
