流水響水塘經常被坊間稱為「天空之鏡」，因為在晴天，水面沒有被風吹過時，流水響湖面倒影令人嘆為觀止，山水一色，美麗如畫。流水響水塘（英語：Lau Shui Heung Reservoir），又作流水嚮水塘，位於香港新界北區東部的八仙嶺郊野公園之內，龍山東北一帶，在粉嶺平原的東北端，建於1968年，是船灣淡水湖工程的一部分，負責將西北部的水源收集，經輸水隧道供應至船灣淡水湖，同時流水響水塘亦是灌溉水塘，用作灌溉附近農田。水塘面積約3.5公頃，容量約17萬立方米，面積不大，卻成為附近農村一個很重要的水資源。
流水響水塘 香港的天空之鏡
是次要為大家介紹的是在港島南區的舂坎山。舂坎山位於赤柱半島的西部，高133米，整段路程只需大概3小時，而且上落幅度小，景色優美，舂坎山處於的舂坎角亦是觀看日落的好地方，簡直是一舉兩得。
舂坎山
吉澳鴨洲是位於沙頭角以西的兩座小島，兩島之間大概需要10分鐘的船程，所以人們通常都會在一日內遊覽兩個小島。由馬料水碼頭乘搭街渡前往，大概需要兩小時，途經赤門海硤，可以在一睹鬼手岩和紅石門，這兩個大自然的鬼斧神工。不得不讚的是船上的導賞員，在兩小時的船程裏，他無間斷地給我們介紹途經的風景以及一些地理小知識，彷如用90元參加了一個本地旅行團的感覺。
吉澳鴨洲
說起愉景灣，大家可能第一時間會想到水清沙幼的沙灘，又或者是海邊夢幻的白色小教堂，相信不太多人會想起愉景灣其實也有條風景怡人的山徑。今次就讓小編帶大家到訪老虎頭，坐在虎頭上看風景。
.jpeg)
老虎頭
九龍市區今日能夠進身全球人口最稠密的地區之一全靠填海造地之外，其實亦不少得大量的開山造地工程。原來的九龍半島並不平坦而且還相當崎嶇不平，包括很多我們熟悉的市中心地帶都由山丘夷平而成（例如，佐敦的前身是官涌山）。而至今整個九龍當中依然存有不少山丘，但隨著香港急促的城市發展，高樓大廈林立，要在臨近市區的地方找到開揚且能夠俯瞰城市景色的地點逐漸變得寥寥可數。近年來變得比較熱門的地點嘉頓山甚至格仔山或者已經擠得水洩不通吧！如果你想避開人潮，不妨踏足一些不同的社區，欣賞一下九龍另一個方向的景色，鮮為人知的紅燈山都是一個不錯的選擇！
紅燈山
田下山位於釣魚翁郊遊徑中，提起釣魚翁，大家不難聯想到它和青山、蚺蛇尖合稱為「香港三尖」，屬難度較高的路線。不過，我們並不用攀上陡峭的釣魚翁也可以飽覽清水灣半島的美景。沿着釣魚翁郊遊徑慢步，很快便能夠到達田下山，沿途上落不大，甚為輕鬆，大家不妨來一趟貼近市區的短線遊，感受一下郊外風光。
田下山
狗肚山，又稱九肚山，古稱龍窩，位於新界沙田區火炭之西北，高399米。要登上九肚山，可以由沙田乘小巴66K到起點馬料村，下車後沿著馬路向上走，很快便會在盡頭看見往馬料村的指示牌，牌後便會有一條若隱若現的小梯級，踏上梯級便正識開始九肚山之行。
九肚山
大家若果是陳奕迅的歌迷，相信都有機會聽過他在2010年發行的《Taste of Atmosphere》專輯，當中的封面更是在大東山拍攝。專輯推出後，更令本來甚少遊人的大東山聲名大噪，吸引了很多遊客到訪。 可是，伴隨遊客而來的是大量垃圾和環境破壞。近年我們都聽過不少新聞報導遊人的自私行為，例如站在爛頭營石屋的屋頂打卡，又或者是帶同迷你煙花到山上拍照。此外，更有行山隊自發到大東山拾垃圾，所收集到的垃圾載滿數十個垃圾袋。的確，我們有權利享受大自然的風光，可是我們並不是要消費大自然，這種自私的行為實在不要得！
大東山
香港華山（原稱大嶺）位於上水，坐落於新界北與深圳之間，整條路段約6公里，全程都是鋪砌好的石屎路，途中經過長甫頭，杉山，華山，犀牛望月，馬頭嶺，松山等，由上水一直伸至坪洋，因此亦有港版萬里長城之稱，路程景色大至開揚，不失為一個半日遊的好路線。
上水華山
彌勒菩薩，據說是釋迦牟尼佛的繼任者，在佛教中，彌勒菩薩具有慈悲、忍辱、寬容與樂觀等象徵意義，而此山峰正是以他命名。
彌勒山
九龍水塘位於金山郊野公園，雖然水塘名稱有九龍兩個字，但係九龍水塘並唔係位於九龍，而係屬於沙田區。九龍水塘群由九龍水塘、九龍副水塘、九龍接收水塘同石梨貝水塘組成，由於水塘並唔係好大，所以好容易行完呢幾個水塘！如果大家嘅體能好好，不妨從城門水塘起步，沿麥理浩徑6段行到去大埔道，更加可以觀賞到二戰時期醉酒灣防線嘅遺跡添！
九龍水塘
大埔位於新界北部，屬於早期發展嘅新市鎮。可能係大家眼中，大埔只係一個平凡嘅地方。睇到呢度，大家可能會話，係咪又係介紹鐵路博物館呢啲好多人知嘅景點？小編可以好肯定咁答你！唔係！！今次就等小編帶大家欣賞下大埔嘅花卉，呢度都孕育咗好多植物㗎！
.jpg)
大埔
作為一個土生土長嘅屯門人，筆者最常畀人問到嘅就係：「屯門係咪有牛㗎？」或者喺昔日嘅屯門真係有牛嘅，而家就唔太有喇，馬就有幾隻！喺屯門碼頭近美樂花園嘅山邊，就有一個騎術學校，不過，今次筆者想介紹嘅反而係近渡輪碼頭嘅區域！
.jpg)
屯門海濱花園
東龍島分新、舊碼頭，新碼頭會比較近營地，但係只可以喺西灣河上船，價錢亦會畀油塘貴$10，不過可以縮短由舊碼頭到營地所需要嘅20分鐘到30分鐘嘅路程。
東龍島
「燒雞翼，我鍾意食！」但係喺香港，周圍唔係大廈就係山，就算係休憩公園都已經少之又少，又可以去邊燒雞翼呢？原來，喺一塊鮮為人熟悉嘅地區，竟然有一個簡直為燒烤而設嘅絕世寶地！
.jpg)
蝴蝶灣
宜家瑞士就未必有機會去到，不如去住香港嘅瑞士先啦！今次小編就帶大家去位於西貢東郊野公園嘅赤徑啦！赤徑屬於西貢北約嘅42條村之一，亦有赤涇之名。以前嘅赤徑都大有唔少人居住，所以都係個幾繁盛嘅地方。由於交通唔算好方便，好多居民都搬咗出市區住，宜家嘅赤徑只係淨低少數居民。不過正正因為赤徑咁遠離繁囂，加上有片好大嘅草地，吸引咗好多人嚟露營㗎！
赤徑
大潭水塘位於香港島嘅南區，由於當時屋住喺香港島嘅居民日漸增加，為咗應付持續增長嘅 食水需求，港英政府喺1883至1917年之間建造咗大潭水塘。雖然宜家香港主要靠東江水作為主要嘅食水來源，令到香港水塘嘅重要性大大降低。不過，大潭塘宜家已經成為咗一個親親大自然嘅好去處。唔單止咁，正正因為大潭水塘歷史悠久，所以沿途都可以見到好多戰前文物㗎，更加有22項建築喺2009年被列為法定古蹟添！即刻帶大家睇下啦！
大潭水塘
唔知大家有幾耐無見過滿天星空呢?其實小編都好耐無見過,近幾年嘅污染都好嚴重,睇到 清澈嘅天空可以話係件好奢侈嘅事。而年頭爆發嘅肺炎疫情,就巧合咁為地球帶嚟喘息嘅機 會,工業活動減少令到污染物嘅數量下降,本身灰矇矇嘅天空都變得更加清澈同通透。加上 近排香港受到高空反氣旋嘅影響,能見到超級高,小編出發去水口嗰日嘅能見到更加有 46 公 里。(編按:究竟 46 公里係個咩概念呢?大概就係大澳同西貢市中心嘅直線距離)
水口
唔知大家對東涌嘅印象係咩？係一個新市鎮？有個好大嘅outlet血拼名牌嘅地方？又抑或會比行李篋轆親嘅地方？定係有好多公共屋邨？相信呢啲都係普遍人對東涌嘅睇法，不過又有幾多人知道，東涌其實都充滿文化特色㗎？唔單止有懷舊漁村，仲有歷史悠久嘅炮台同侯王古廟，係咪估唔到呢？東涌除左有高樓大廈之外，仲有好靚嘅泥灘，孕育住唔少動植物㗎！ 東涌位於大嶼山嘅北面，雖然係香港近期發展的新市鎮，不過都有唔少古蹟同遊玩嘅地方，今次就等小編帶大家行下東涌，發掘下鮮為人知嘅一面啦！
東涌
你知唔知港島除咗半山同叮叮之外，原來仲有一個天然瀑布係華富邨呢？ 華富邨仲咗神秘傳說，仲有一個遠眺南丫島、廣闊海景嘅寧靜石灘同燒烤場，消暑之餘仲適合一家大細𠻹！而且依到仲係攝影發燒友必到之處，潮汐下拍低雞蛋仔奇景！
瀑布灣
小編細細個就覺得獅子山好神奇——酷似獅子嘅大石屹立喺石屎森林之上，的確係大自然鬼斧神工之作；但係對好多香港人嚟講，獅子山除咗係一塊好靚嘅石頭之外，更加係一個地標、一個有獨特象徵意義的標誌。中國有云「不到長城非好漢」，而獅子山代表香港人嘅拼搏精神，身為香港人嘅你，點都要上一次獅子山！
獅子山
如果放假，不妨用一個下午嘅時間登上香港高峰大嶺峒，欣賞下無敵大海景啦。由清水灣出發，沿清水灣道行，途經清水灣郊野公園及龍蝦灣郊遊徑，大概行一個半鐘，就可以登上位於西貢嘅小山峰，舊稱「餓死雞山」嘅大嶺峒。登上高處，唔單止可以睇到綿綿無盡嘅海岸線，仲有萬里無雲嘅藍天，真係一次過飽覽曬海天連成一線嘅牛尾海海景。去大嶺峒行山，交通都好方便， 喺將軍澳站搭小巴，大概十分鐘已經可以到達清水灣啦。
大嶺峒
將軍澳係住宅區？都係得啲以私人樓宇為主嘅市鎮？將軍澳無山行？咁就錯啦！寶琳嘅小夏威夷徑就係一條同市區極相近嘅行山小徑，沿途仲可以睇到瀑布添！全程只需一個多小時，以平路為主，石級唔多，小朋友都可以輕鬆行晒全條山路，非常適合親子假日遊。
小夏威夷徑
黃泥涌水塘喺1899年建成，至今有118年歴史。因為儲水量低，市政局喺1986年將佢改建成香港首個划艇公園。公園裏面嘅水壩同水掣房都係香港法定古蹟。水塘有個叔叔看守，大家可以同佢傾計了解水塘嘅故事。黃泥涌水塘位於香港島嘅中心，交通四通八達，極具戰略價值。上世紀三十年代，港英政府意識到日軍對香港虎視眈眈，因此喺附近興建左大規模嘅防禦設施，包括炮兵陣地、榴彈炮炮台同多座機槍堡等。隨住大型水塘如船灣淡水湖同萬宜水塘相繼落成，再加上有東江水，黃泥涌水塘喺1986年關閉，改為香港首個划艇公園。呢度堪稱「名人樂園」，據聞周潤發、梁朝偉、任賢齊都係水塘常客。
黃泥涌水塘
假日唔少人都會去西貢行下，西貢最出名莫過於海鮮同清新既海水味。不過如果唔想喺市中心同人迫，可以喺西貢再轉小巴入去較為偏辟嘅地方。喺西貢碼頭搭7號小巴到白沙澳落車，就可以即刻去到好似世外桃源既小村落白沙澳啦！
白沙澳
泥涌位於西貢北，但唔好諗到好似好遠咁，其實坐馬鞍山綫喺烏溪沙站落車行15分鐘就到架喇！泥涌係香港少數接近市區又可以進入嘅泥灘之一，鐘意睇下神奇地貌嘅你就唔好錯過啦！
泥涌
一講到歐洲風情嘅小鎮，你會諗到香港邊個地方呢？無錯！今次要同大家介紹嘅就係赤柱喇！赤柱以前係英國軍事嘅佔據點，歷史都幾悠久。到1970年初，赤柱就漸漸多咗各式各樣嘅商店同埋攤檔，依家喺靠近海岸嘅區域仲有好多露天食肆，就連建築群都充滿歐式風味。想悠閒咁放鬆下，好chill咁消磨一日，又唔想要搭飛機先感受到歐洲風情，赤柱絕對係一個好選擇！
.jpg)
赤柱
想感受澎湃嘅浪聲、欣賞色彩斑斕嘅岩石？位於石澳南端嘅鶴咀絕對適合你去！你哋知唔知，原來鶴咀係香港其中一個海岸保護區，而且港大嘅海洋科學研究所亦都坐立左喺呢度㗎。另外，唔少人都稱鶴咀為上帝之眼，呢度嘅景色更吸引咗唔少攝影師去影相，佢哋仲會係度捕住個星空，想知點解？等筆者慢慢介紹鶴咀畀大家知喇！
鶴咀
這個在香港最東面的平坦小島全由沉積岩組成，沿岸的海蝕地貌變化萬千。奇趣的頁岩和其他種種自然奇觀，使東平洲成為香港有名的地質地貌寶庫，也被納入香港聯合國教科文組織世界地質公園的範圍。這條遠足路線很簡單，只需沿著環島郊遊徑，便可走遍島上的熱門景點。(文字摘自香港旅遊發展局網站：http://www.discoverhongkong.com/tc/see-do/great-outdoors/hikes/tung-ping-chau.jsp)
東平洲
香港很多地方都被高樓大廈包圍，彷彿連喘息的空間都沒有。若果想逃離一下煩囂的都市，大家可能會選擇到訪郊野公園。可是，香港的郊野公園有個特點，就是大部分毗鄰市區，可能對大家來說還是有種壓迫感。其實新界東北一帶還有個背山面海，遠離人煙，風情樸素的淨土。慢步在阡陌之間，能讓人放鬆心情，暫時忘記煩惱。
鹿頸
山頂公園位於香港島太平山的柯士甸山道，該處為真正的太平山山頂之位置，西望薄扶林水塘、大嶼山及南丫風采發電站。風景向西北望藍巴勒海峽，向東北望山頂無線電站。山頂公園於1950年代啟用，由康樂及文化事務署管理，於2011年進行翻新，改以英國19世紀維多利亞時代為主題。
山頂公園
賈炳達道公園位於香港九龍九龍城賈炳達道，鄰近九龍城廣場及九龍寨城公園，佔地2.68公頃。由康樂及文化事務署管理，於1989年4月落成，公眾可免費入場。電視節目《城市論壇》間中在該處舉行。公園前身是西頭村，於1984年清拆，其後建成現時的公園。
賈炳達道公園
九龍寨城公園以清初江南園林為設計模式，興建工程於1994年5月動工，由一群來自中國的資深技工負責，以確保傳統的設計和構思能再次在公園中展現，是TVB古裝劇的取景勝地~ 興建工程於1995年8月竣工，並在1995年12月22日由香港總督彭定康先生主持開幕儀式。整個公園佔地31000平方米，共分為8個不同景區，各有特色，但融為一體。公園耗資$76000000興建，由康樂及文化事務署負責管理。
九龍寨城公園
香港單車館公園位於將軍澳寶康路105-107號，佔地約5.3公頃。園內有廣闊草坪和人工湖，景觀優美。
香港單車館公園
蒲崗村道公園位於九龍鑽石山蒲崗村道140號，佔地約9公頃。公園提供的多元化康樂設施包括第三代人造草地球場、板球練習場、長約一公里的高架單車徑、極限運動場、適合初學者使用的單車園地、長650米的緩跑徑、適合不同年齡組別人士使用的健身園地、兒童遊樂場、露天劇場和苗圃。 此外，在公園的「可再生能源區」內設置了多塊展板介紹公園內的可再生能源設施包括風能、光電和太陽能，藉此向遊人宣揚保護環境的訊息。(文字和圖片摘自康樂及文化事務署網站：http://www.lcsd.gov.hk/tc/parks/pkvrp/index.html)
蒲崗村道公園
佐敦谷公園位於觀塘新清水灣道71號，原址為佐敦谷堆填區。公園佔地約6.3公頃，是觀塘區最大的公園，為市民提供多元化的動態和靜態康樂設施。園內最具特色的設施，是具國際水平的遙控模型賽車場，適合舉行模型車大型賽事。(摘自康樂及文化事務署網站：http://www.lcsd.gov.hk/tc/parks/jvp/index.html)
佐敦谷公園
太平山頂一直都係香港其中一個旅遊景點，但你又知唔知原來太平山頂凌霄閣旁邊有一條小路徑，條路徑係一個輕鬆的行山路線嚟呢？平時都有唔少人襯住星期六日一家大細嚟到太平山頂行下山。兩個鐘左右嘅路程，輕鬆到連小朋友都可以行完全程架。
太平山頂
小西灣位於港島最東部，如果說蒲台島是為「香港南極」，那麼小西灣就算是「香港東極」了。這次推介的行程是城市綠洲，交通便利，附近人來人往。歡迎香港各區的居民可以來小西灣進行一次本地低碳旅遊，讓香港可持續發展下去。
龍躍徑
.jpg)
想親親大自然，又唔想身水身汗？不如嚟河背水塘啦！呢度難度只有一粒星，全程幾乎都係林蔭小路， 廣闊平坦，大約只需1.5小時就行完。 仲可以見到全港唯一嘅S型水壩，置身其中好似入咗宮崎駿嘅世界。河背水塘位於元朗八鄉錦田河上游，屬於大欖郊野公園嘅一部分， 係水務署管轄範圍內最細嘅水塘。 河背水塘喺60年代落成， 為八鄉農民提供灌溉用途。 由河背村去河背水塘， 途中仲可以俯瞰全港三大平原之一嘅元朗平原，景色廣闊優美。 呢度仲有燒烤場同越野單車徑，週不時亦有人嚟呢度露營。
河背水塘
秋高氣爽去親親大自然就最適合不過，平時好少行山或者怕辛苦既朋友可以考慮下去鹽田梓小島兜個圈。鹽田梓島仔細細，斜路唔多，上到高處涼亭仲可以飽覽附近島嶼既景色。比起長洲南丫島呢啲熱門離島，假日呢度都唔會好多人，舒服得多。由西貢搭街渡入去，都只不過十五分鐘，轉眼間就可以遠離煩囂。
鹽田梓
今次介紹地方係由 Eunice & friends + families同筆者親身試行後推介，中意戶外活動嘅朋友仔，記得搵個週末，拉埋親朋戚友一齊去啦，大人小朋友都啱哂！
龍脊
想親親大自然，又無乜體力行山？想食到真點有機蔬果，又唔知去邊度買？今次嘅行程啱曬大家！大家或者聽過行山客鍾意去「川龍飲茶」，其實川龍位於大帽山腰，係一條歷史長達五百多年嘅客家村落，入面有曾氏原居民聚居。川龍設有兩間歷史悠久嘅自助茶樓——端記同彩龍茶樓，出名菜式包括大帽山農場出產嘅新鮮西洋菜同山水豆腐花，仲有質感細滑嘅即叫即製腸粉添！自助茶樓即係咩都要自己黎，包括搵位、攞點心、攞餐具等，富有舊茶樓嘅風味。
川龍
一見到昂平呢個名，唔知你會諗起啲咩呢？360、市集、天壇大佛？定係好似小編咁，諗起有得玩滑翔傘嘅大大片草原呢？吓，草原？無錯喇！因為今日要為大家介紹嘅，並唔係一般遊客都熟悉嘅大嶼山昂坪，而係馬鞍山嘅昂平高原。兩個昂平(坪)個名咁鬼相似，但就一個東一個西，到底點解呢？其實兩個地方都有十分相似之處，就係顧名思義，就係又昂又平。同大嶼山昂坪一樣，馬鞍山昂平屬於香港極之少有嘅高原地貌：喺高昂嘅山上面有一大塊平地，四處無遮無擋，大風到連樹都冇辦法生長，所以造就左一大片翠綠嘅草地。週末約哂成班朋友行上山野餐、影下文青靚相、吹下風吸下新鮮空氣，呢度的確係一個唔錯嘅選擇(自己垃圾自己帶走，好好好重要的)。
馬鞍山昂平
係一大片銀白色嘅「蠔殼田」呀！睇日落一絕。今次介紹嘅路線係由沙橋村行去豐樂圍。沿路都係濕地，有紅樹林睇，有候鳥睇，生態價值高之餘，仲可以了解下香港上世紀輝煌過一時嘅養蠔業。去完沙橋村仲可以去埋附近嘅尖鼻咀同豐樂圍，睇埋全港最大的方格魚塘。
沙橋村
位於大埔西南面、大帽山山麓的梧桐寨，擁有香港落差最大、規模最大的瀑布群，分別為井底瀑、中瀑、主瀑同散髮瀑，各有特色。其中以主瀑落差最大，達到三十米。路線以梧桐寨村巴士站為起點，到最高點的散髮瀑之後沿路折返，全長六至七公里，最高點約四百五十米。
梧桐寨
放假去邊好？想做下運動？咁不如踩下單車啦，今次就由v’air小編帶大家由元朗出發，踩入南生圍。南生圍一直比人既印象都係簡樸既田園氣息，或者係文青打卡位，但南生圍當中面對既問題你又知幾多？v’air小編為大家發掘南生圍既另一面啦！😊首先由元朗出發，元朗附近都有租單車既舖頭，30蚊已經可以玩成日，而且單車舖頭既老板都好熱情，唔肯定點踩入南生圍都唔使驚，到時問下老板就得啦，佢地都會好有耐性咁解答^^。租完架靚靚單車就可以開始出發啦～～Let's Go！
南生圍
如果想喺香港睇下動植物，可以去位於海洋公園或者金鐘嘅動植物公園；但如果想再特別啲，遠離塵囂欣賞下動物同花草樹木嘅話，位於新界嘅嘉道理農場都係一個唔錯嘅選擇。嘉道理農場位於來往大埔同元朗之間嘅林錦公路，佔地有成二百個足球場咁大，如果要細心行的話真係一日都行唔完。農場依山而建，大部份嘅遊客設施同景點都設喺山下部份，而山上部份就係幾條生態徑同埋研究保育用嘅實驗農場。想探下動物的話，農場有兩棲類動物、豬、野豬、鳥類、仲有識講野嘅鸚鵡俾大家欣賞；了解下佢地嘅習性，同佢地自拍下，啱哂一家大細或者年輕一族去探個究竟。文青一族想影輯靚相，做下山系男孩/女孩？農場裏面種滿左超過1000種唔同嘅植物，有溫室裏面嘅仙人掌、果樹、同埋好似成個森林咁、位於山谷嘅原生林。加埋園內嘅溪流瀑布、石頭小徑，可以好似置身外地一樣，呼吸一下新鮮空氣，散散心過一個悠閒嘅週末。
嘉道理農場
今日咁好天不如去下海邊?三家村喺香港食海鮮地方，當然就有個勁靚嘅海景啦。而且夠晒方便，同市區幾相近，由油塘地鐵站出發，行十五分鐘就會嚟到一個寫意嘅海灣。假日不妨拋低忙碌嘅生活節奏，嚟三家村感受到閒適嘅漁民生活。鯉魚門位於觀塘區東南面，已經超過150年嘅歷史，過去係一條小魚村。三家村點解會叫三家村？原來係因為由三家人成村，而鯉魚門只是三家村鄰旁進入維多利亞港海道嘅名稱，但香港人一般習慣稱三家村做鯉魚門。三家村唔單止喺一個食海鮮嘅好地方，更加係一條與市區相通嘅時光隧道，短短路程已經可以通往藍天白雲嘅風景。
鯉魚門三家村
白石角海濱長廊位於香港新界大埔白石角科學園路、創新路及科研路，由香港政府耗資兩千萬港元於2004年12月啟工興建，於2007年9月竣工，於2008年2月啟用，由康樂及文化事務署管理。白石角海濱長廊全長兩公里，設有行人路及單車徑，遊人可以沿途欣賞吐露港的風景，亦可以遠眺馬鞍山至八仙嶺的景色；其中單車徑連接沙田至大埔的單車徑。
白石角海濱長廊
一講到城門水塘，大家即刻諗到嘅可能係一隻又一隻嘅馬騮。但水塘入面嘅白千層，真喺好值得好好欣賞，加埋個碧綠色嘅水塘，成個風景真係very good！咁靚嘅景色吸引咗唔少電視劇、電影嘅劇組專登嚟水塘取景。成個城門郊野公園面積唔算大，大概兩個鐘已經可以行晒成個公園，路程亦都唔會吃力，所以非常適合一家大細放假一齊去㗎。
城門水塘
秋楓漸紅，踏入十一月中旬，又係燦紅遮天既季節，京都既楓葉開遍山頭，唔少香港人都會選擇暫時放底忙碌既生活，「飛」到京都欣賞依個賞楓葉既好季節。但有無諗過其實可以唔駛用一整日既時間搭飛機，留係香港都有好似京都一樣咁令人讚嘆既楓葉，個地方係咩？咪就係元朗既大棠楓葉囉，依次就等小編帶大家遊大棠啦。
大棠楓香林
西貢最熱門既路線當然係水清沙幼既半月灣。離開半月灣唔洗直接搭船，可以行1.7公里山路返橋咀泳灘，再搭街渡返西貢碼頭。
橋咀
良田坳位於香港新界西部，屯門良景邨及田景邨上方，最為著名的是大峽谷。 大峽谷沒有植物、滿地黃土，凹凸不平，故稱為菠蘿山。 ！注意！駐港解放軍於2017年月發出告示,指青山靶場一帶屬軍事禁區，並要清理青山靶場內的非法耕種，嚴禁市民踏足青山靶場，即菠蘿山。未去過既市民只能透過照片懷緬懷緬了。
良田坳
今次帶喜歡挑戰自己嘅大家上山，睇下金黃嘅雞公嶺同埋新界村落魚塘。講起行山，大部分人都會諗起獅子山、龍脊等等嘅熱門行山徑；但如果想遠離人潮、挑戰自己，上山尋找香港新界鮮為人知嘅一面嘅話，雞公嶺絕對係首選。雞公嶺位於新界西北，屬於林村郊野公園範圍內，兩邊主要上山入口位於元朗同粉嶺。山腳四面皆為平地，好天的話，上到最高585米嘅羅天頂可以盡瞰錦田、上水、元朗、米埔同埋新田平原，欣賞好靚嘅田野魚塘。高374米嘅副峰面向西北，四周都冇遮擋，係賞日落嘅最佳地點之一。而雞公嶺本身地勢險要，一峰接一峰，嶺上草叢冬天金黃、夏天翠綠，可以影靚相嘅位置好多，絕無悶嘅路段。
雞公嶺
今次我地為大家介紹係一條較輕鬆，適合短途遊玩嘅線— 塱原濕地。塱原濕地位於新界東北，毗鄰上水以西一帶，區內以農地為主，所以吸引約210種候鳥到訪，係重要嘅具生態價值地點。2000年港鐵興建落馬洲支綫，計劃以高架鐵路形式經過塱原一帶，幸好最後被環保團體強烈反對之下，採用地底隧道方案，塱原亦得以保護，未喺發展巨輪之下被破壞。十五年過去，稻香依舊、風貌仍在，但逐漸被遺忘。城市繁華背後仍然有塱原呢個充滿鄉郊情懷嘅地方，絕對值得城市人去一個短途旅遊，認識同欣賞碩果僅存嘅綠草碧水同埋小動物。塱原裏面大多數都係農地，其中稻米田為濕田，好彩的話可以見到好多鳥類停留。喺田邊小徑漫步，欣賞下認真嘅農夫工作、影下相、聽下鳥聲，反思一下人類同自然間嘅關係，不失為一個怡人嘅散心之地。
